Ağ içində qara, kədər içində gülüş

İlk şəkillərini 16 yaşından çəkən məşhur fotoqraf Rene Maltetin ağ-qara kadrları gündəlik həyatın sürprizlərini əks etdirir.

Rene Maltet 1930-cu ildə Fransada anadan olub. Uşaq yaşlarında rejissor olmaq istəyən Maltet kamera ala bilmədiyinə görə bir Semfleks fotoaparat alaraq 1954-cü ildən özünü fotoqraflığa həsr edir. 1960-cı ildə çap olunan “Paris küçələri və nəğmələri” adlı ilk foto-kitabı ilə qısa müddətdə məşhurlaşan, fotoları dünya miqyasında bir çox jurnalda dərc olunan Maltet ciddi mövzulara toxunsa belə onun üslubunda mütləq yumora rast gəlmək olur.